برمج مصري يخترع أداة جديدة لجمع البيانات من مواقع الويب
بقلم: مصطفى العبدو| 2026-02-25 21:54:43| 9 قراءة
من فترة شب مصري برمج أداة اسمها Scrapling ونزلها على github, عبارة مكتبة Python مفتوحة المصدر مخصصة لجمع البيانات من مواقع الويب بطريقة ماحدا سبقه عليها للصراحة ، الشب رايح مخترع كونسيبت جديد لل scraping من خلال الكود بعيداً عن ai agent او n8n فكرة الأداة أنها تسمح لك بفتح صفحات الإنترنت واستخراج المعلومات منها بسهولة بكود قليل ومفهوم حتى للمستخدم العادي يلي ماعنده خلفية برمجية، الأداة بتقدر تشغل متصفح حقيقي وتنفيذ الأكواد الديناميكية ثم استخراج البيانات بعد تحميلها. يعني تم ...حل مشكلة البيانات المولدة بشكل ديناميكي من خلال اكواد js. سلملي على أنظمة حماية البيانات من الكشط على Facebook و Google والشركات العملاقة التانية يلي كانت بتدفع عليها الملايين سنوياً كرمال ما توصل لهاد اليوم من قبل شركات التجارة بالبيانات وهلق صار فيك تجيب حتى عدد التفاعلات او كل الكومنتات لبوست معين او تريند معين وتحللها بكل بساطة وهاد كلو كوم وانه الاداة قادرة تتجاوز انظمة تتبع البوتات ونجحت باختبارات لأنظمة تعتبر رائدة عالمياً بهاد المجال متل cloudflare 🤣🤣🤣 ، يلي سعر الاشتراك عندها بهديك الحسبة شهرياً آلية عمل الأداة رهيبة جدآ وذكية من شخص عبقري والله ، أنا بأحد السيناريوهات كنت بجيب داتا من Google map من محتوى مولد بشكل ديناميكي كنت مجبر افتح المتصفح من خلال Selenium وبعدها انتظر للتحميل وتوليد الداتا حتى آخد screenshot للداتا وبعدها اعمل عملية معالجة للصورة من خلال نظام ocr حتى أقدر احصل على بيانات شركة او موقع ما من الخريطة هاد الشي صار فيك تعمل بسطرين كود من خلال Scrapling ، والعملية أسرع 71x من الطرق التقليدية ، اما بالنسبة للمحتوى العادي في اشخاص ذكرو انه العملية أسرع بمقدار 120x الاداة عاملة ضجة كبيرة بالكميونيتي على جيتهاب ومحتلة المركز الرابع بالتريند مع اكتر من 14 ألف ستارز لحد الآن عرض المزيد
